ღვინის გლობალური ბაზარი

არჩილ შენგელია
სტატიას წარმოგიდგენთ მარანი  „გენი“

 მევენახეობა-მეღვინეობის საერთაშორისო ორგანიზაციამ (OIV) დაასახელა ქვეყნები, რომლებიც 2020 წელს ლიდერობდნენ ღვინის ექსპორტის, ღვინის იმპორტისა და ღვინის მოხმარების სფეროში.
როგორც სტატისტიკა აჩვენებს, გლობალური ღვინის ინდუსტრია ცდილობს აღადგინოს მოცულობები ბოლოდროინდელი მოსავლის უკმარისობის შემდეგ, რაც გამოწვეულია ამინდის კატასტროფებითა და კორონავირუსის პანდემიით.  ღვინის მოხმარების მოცულობის და ხასიათის განმსაზღვრელ მთავარ ფაქტორად რჩება მოსახლეობის კეთილდღეობა და მისი მსყიდველობითუნარიანობა.

 მომხმარებლები სვამენ შესაძლებლობის მიხედვით

ღვინის მოხმარების მოცულობის და ხასიათის განმსაზღვრელ მთავარ ფაქტორად რჩება მოსახლეობის კეთილდღეობა და მისი მსყიდველობითუნარიანობა.

 მოხმარება

 ღვინის ყველაზე მაღალი მოხმარების მქონე ქვეყნების ათეულს თავდაჯერებულად ლიდერობს შეერთებული შტატები, მაღალი მსყიდველობითი უნარის მქონე ბაზარი, მომხმარებელთა დიდი არმია და განვითარებული ღვინის ინდუსტრია. მათ მოსდევს ევროპის დიდი ქვეყნების ჯგუფი. ათეულშის შორის არის ჩინეთი, რომელმაც ღვინის დაგემოვნების შემდეგ, მოხმარების მხრივ არა მარტო რუსეთს, არამედ ესპანეთს, არგენტინას და ავსტრალიას გვერდი აუარა.

ტოპ 10 მომხმარებელი:

 შეერთებული შტატები – 33,0 მლნ ჰექტოლიტრი
საფრანგეთი – 24,7
იტალია – 24,5
გერმანია – 19,8
დიდი ბრიტანეთი – 13.3
ჩინეთი – 12,4
რუსეთი – 10,3
ესპანეთი – 9,6
არგენტინა – 9,4
ავსტრალია – 5,7

ექსპორტი

 ღვინის ექსპორტის ლიდერთა სამეულში დიდი სხვაობით არის ძველი სამყაროს ღვინის მწარმოებელი ქვეყნები: იტალია, ესპანეთი, საფრანგეთი.
ახალი სამყარო ჩამორჩება, მისი მაჩვენებლები უფრო მოკრძალებულია, მაგრამ ის საკმაოდ მკვრივ ჯგუფშია: ჩილე, ავსტრალია, არგენტინა, აშშ, სამხრეთ აფრიკა. ათეულს კვლავ ევროპელები ამყარებენ: გერმანია, პორტუგალია.

ტოპ 10 ექსპორტიორი:

 იტალია – 20,8 მილიონი ჰექტოლიტრი ღვინო
ესპანეთი – 20,2
საფრანგეთი – 13.6
ჩილე – 8,5
ავსტრალია – 7,5
არგენტინა – 4, 0
აშშ – 3.6
სამხრეთ აფრიკა – 3,6
გერმანია – 3.4
პორტუგალია – 3.1

იმპორტი 

იმპორტირებული ღვინის რაოდენობით ლიდერებს შორის არიან ევროპის დიდი სახელმწიფოები და შეერთებული შტატები. მათ მოსდევს მეღვინეობის ჯერ კიდევ განვითარებადი ქვეყნები და ის ქვეყნები, რომლებიც ტრადიციულად აწარმოებენ არა ღვინოს, არამედ ლუდს და სხვა ალკოჰოლს, მაგალითად, ნიდერლანდები და ბელგია.
ტოპ 10 იმპორტიორი:
დიდი ბრიტანეთი – 14,6 მილიონი ჰექტოლიტრი
გერმანია – 14.1აშშ – 12.3საფრანგეთი – 6,3
ნიდერლანდები – 4,7
კანადა – 4,5
ჩინეთი – 4.3
რუსეთი – 3,5
ბელგია – 3.0
პორტუგალია – 2,7